विजय लोखंडे
वाघोली: नाशिकमधील भगूर येथे महाराष्ट्र राज्य कुस्तीगीर संघाच्या मान्यतेने व रेसलिंग असोसिएशन ऑफ नाशिक यांच्या सहकार्याने वरिष्ठ ग्रिकोरोमन राज्य अजिंक्यपद कुस्ती स्पर्धा ३० एप्रिल ते १ मे २०२४ रोजी आयोजित करण्यात होती. या राज्य अजिंक्यपद कुस्ती स्पर्धेत १३० कीलो वजनगटातमध्ये दिग्विजय भोंडवे याने अंतिम फेरीत कोल्हापूरच्या शुभम सिदनाळेवर मात करत सुवर्णपदक मिळवले.
दिग्विजय हा लोणीकंद येथील जाणता राजा कुस्ती केंद्रात सराव करत असून त्यास महाराष्ट्र राज्य कुस्तिगीर संचाचे कार्याध्यक्ष संदीप भोंडवे, एनआयएस कोच महीपत कुंडु, संतोष यादव व सुरज तोमर हे मार्गदर्शन करत आहेत. जाणता राजा कुस्ती केंद्राचे अध्यक्ष सचिन पलांडे व सभासद नाना जाधवराव, निळोबा कंद, सोहम शिंदे, किरण शिंदे, सुनिल कटके, सोमनाथ वाळके, संतोष काळे, संदीप कंद, विपुल शितोळे, दशरथ वाळके, सोमनाथ कंद यांनी दिग्विजयचे अभिनंदन केले.
