पुणे : राज्याचे उपमुख्यमंत्री देवेंद्र फडणवीस सध्या पुणे दौऱ्यावर आहेत. पुण्यात बागेश्वर बाबाचा दरबार भरला असून या दरबारात देवेंद्र फडणवीस यांनी देखील हजेरी लावली आहे. देवेंद्र फडणवीस यांनी बागेश्वर बाबाच्या गळ्यात हार घालून त्यांना हात जोडून अभिवादन केले. फडणवीस यांच्यासह भाजप नेते चंद्रकात पाटील देखील बागेश्वर बाबाच्या दरबारात पोहचले आहेत.
पुण्यातील बागेश्वर बाबाच्या दरबारात जाऊन फडणवीसांनी बागेश्वर बाबाची भेट घेतली. तसेच हार आणि शाल घालून फडणवीसांनी बागेश्वर बाबाचा सत्कार केला. सनातन धर्म हा सगळ्यांना जोडणारा चिरंतन धर्म आहे, असंही फडणवीस यावेळी म्हणाले.
पोलिसही बागेश्वर बाबाच्या चरणी नतमस्तक
काल मंगळवारी वादग्रस्त धिरेंद्र शास्त्रींच्या पुण्यातील दरबारात सेवेवर तैनात असलेले पोलीस अधिकारी नतमस्तक झाल्याचं दिसले. कार्यक्रमस्थळी बंदोबस्तावर हे पोलीस अधिकारी होते. यावेळी त्यांनी तिथे बागेश्वर बाबासमोर येऊन व्यथा मांडली.
