नीरा : नीरा (ता. पुरंदर) येथील नदी शेजारील स्मशानभूमीच्या संरक्षक भिंतीच्या आतील बाजूस मंगळवारी (दि. २६) रात्री ७.४५ वाजण्याच्या सुमारास अनोळखी पुरुषाचा मृतदेह सापडल्याची माहिती पोलीस पाटील राजेंद्र भास्कर यांनी नीरा पोलीस दूरक्षेत्रामध्ये दिली. नीरा पोलिसांनी सांगितले की, स्मशानभूमीच्या संरक्षक भिंतीच्या आतील बाजूस ४५ ते ५५ वयोगटातील पुरुष इसम उताण्या स्थितीत पडलेला आढळला. पुढील तपास नीरा पोलीस दूरक्षेत्राचे पोलीस हवालदार घनश्याम चव्हाण करीत आहेत.
