सासवड : पुरंदर तालुका माध्यमिक शिक्षक संघाची त्रैवार्षिक निवडणूक नुकतीच पुरंदर हायस्कूल अँड ज्यु कॉलेज सासवड याठिकाणी संपन्न झाली. या निवडणूकीत श्री. भैरवनाथ विद्यालय वनपुरी या शाळेतील दत्तात्रय रोकडे अध्यक्ष पदी, तर सचिन धनवट सचिवपदी व रणजित खारतोडे यांची कार्याध्यक्ष पदी निवड करण्यात आली आहे.
याप्रसंगी पुणे विभाग माध्यमिक शिक्षक संघाचे अध्यक्ष सचिन दुर्गाडे, पुणे जिल्हा माध्यमिक शिक्षक संघाचे सचिव पंकज घोलप यांनी निरीक्षक म्हणून काम पाहिले. यावेळी अध्यक्षस्थानी पुणे जिल्हा माध्यमिक शिक्षक संघाचे अध्यक्ष वसंतराव ताकवले, तर महाराष्ट्र राज्य मुख्याध्यापक महामंडळाचे सचिव नंदकुमार सागर, महाराष्ट्र राज्य मुख्याध्यापक संयुक्त महामंडळाचे अध्यक्ष के.एस.ढोमसे, पुणे जिल्हा माध्यमिक शिक्षक संघाचे खजिनदार प्रदिप गाढवे हे प्रमुख पाहुणे म्हणून होते.
यावेळी पुणे जिल्हा शिक्षक लोकशाही आघाडीचे कार्याध्यक्ष तानाजी झेंडे, पुरंदर तालुका मुख्यध्यापक संघाचे कार्याध्यक्ष इस्माईल सय्यद, पुणे जिल्हा माध्यमिक शिक्षक संघाचे प्रवक्ता रामप्रभू पेटकर, जिल्हा प्रतिनिधी संजय भिंताडे, पुरंदर तालुका माध्यमिक शिक्षक संघाचे माजी अध्यक्ष प्रल्हाद कारकर आदी मान्यवर उपस्थित होते.
