Crime news केंदूर : महाविद्यालयीन शिक्षण घेणाऱ्या एका १९ वर्षीय तरुणीने गळफास घेऊन आत्महत्या केल्याची धक्कादायक घटना घडल्याचे समोर आले आहे. (A young girl committed suicide by hanging herself while studying)
करंदी ता. शिरूर येथे ही घटना घडली
प्रणिता रामदास ढोकले असे आत्महत्या केलेल्या तरुणीचे नाव आहे. ( Crime news) याबाबत संतोष तात्याबा ढोकले (वय ४४ वर्षे रा. करंदी माळवस्ती ता. शिरूर जि. पुणे) यांनी शिक्रापूर पोलीस स्टेशन येथे खबर दिली आहे. त्यानुसार शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
मिळालेल्या माहितीनुसार, करंदी ता. शिरूर येथील वाघोलीतील रायसोनी कॉलेज या महाविद्यालयात शिक्षण घेणारी प्रणिता ढोकले ही रात्रीच्या सुमारास घरातील बेडरूममध्ये अभ्यास करत होती. ( Crime news) काही वेळाने तिने दरवाजा लावून घेतला त्यांनतर प्रणिताचा भाऊ घरी आला त्याने दरवाजा वाजवला मात्र प्रणिताने दरवाजा उघडला नाही. ( Crime news)
त्यामुळे घरातील लोकांनी दरवाजा तोडून आतमध्ये प्रवेश करुन पाहिले असता प्रणिता हिने घरातील छताच्या फॅनला साडीच्या सहाय्याने गळफास घेतल्याचे दिसून आले.
दरम्यान प्रणिता हिला शिक्रापूर येथील खाजगी रुग्णालयात आणले असता डॉक्टरांनी तरुणीचा मृत्यू झाल्याचे घोषित केले. पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली सहाय्यक पोलीस उपनिरीक्षक आजिनाथ शिंदे हे करत आहे.
