पुणे : पुण्यातील जुन्नर तालुक्यातील पिंपरी पेंढार येथे कल्याण-नगर रोडवर काळजाचा थरकाप उडवणारा अपघात घडला आहे. भरधाव वेगात येणाऱ्या कारने दुचाकीला जोरदार धडक दिल्याने, दुचाकीवरील पती-पत्नी गंभीर जखमी झाले आहेत. दरम्यान, या अपघाताचा थरार सीसीटीव्ही कॅमेऱ्यात कैद झाला आहे. यामध्ये नेमकी चूक कुणाची? असा प्रश्न नागरिकांमध्ये उभा राहत आहे.
याबाबत अधिक माहिती अशी की, पती पत्नी दुचाकीवरून जात असताना, पाठीमागून येणाऱ्या भरधाव कारने दुचाकीला जोरात धडक दिली. ही धडक इतकी जोरदार होती की, दुचाकीवर बसलेले पती-पत्नी अशरक्षः हवेत उडून गाडीच्या पुढे जाऊन पडले, दुसऱ्या कारचालकाने काही अंतरावर
पुढे जाऊन ब्रेक मारल्यामुळे मोठा अनर्थ टळला. मात्र, येणाऱ्या कारने दुचाकीला जोरदार धडक दिल्याने, दुचाकीवरील पती-पत्नी गंभीर जखमी झाले आहेत.
मोठा अनर्थ टळला
दोघे पती पत्नी या अपघाताच्या मोठ्या संकटातून थोडक्यात बचावले आहेत. या आपघाताची माहिती मिळताच पोलीसानी घटनास्थळी धाव घेतली. पोलिसांनी स्थानिक नागरिकांच्या मदतीने पती-पत्नीला तात्काळ उपचारासाठी खासगी रुग्णालयात दाखल करण्यात आले असून, पुढील तपास पोलीस करत आहेत.
View this post on Instagram
