पुणे सोलापूर या राष्ट्रीय महामार्गावर अपघाताचे सत्र सुरूच असून आज सकाळी 11.30 च्या दरम्यान गोमांस वाहतूक करणारी कार पलटी झाली होती. याबाबत अधिक माहिती समोर आली असून पुणे सोलापूर या राष्ट्रीय महामार्गावर गेल्या अनेक दिवसांपासून वारंवार अपघात घडत आहेत. आज सकाळी 11.30 च्या सुमारास यवत येथून पुणेकडे जाणाऱ्या एम.एच. 12 यू.एफ 8587 ही गोमांस वाहतूक करणारी कार टायर फुटल्याने दुभाजकाला धडकली, दरम्यान, सोलापूर बाजूकडील रस्त्यावर खड्डा असल्याने हॉटेल सावता माळी समोर कार पलटी झाली सुदैवाने यावेळी समोरून कोणतेही वाहन येत नसल्याने मोठा अपघात टळला परंतु आलिशान कार मध्ये गोमांस वाहतूक करणारे तिघेजण कार पलटी होतच पळून गेले, कार पलटी झाल्याने कारमध्ये गोमांस असल्याचे उघडकीस आले.
दरम्यान, प्राथमिक माहिती मिळत आहे घटनेची माहिती मिळताच यवत पोलीस स्टेशनचे पोलीस उपनिरीक्षक विजय कोल्हे , पोलिस कर्मचारी व महामार्ग प्राधिकरणाचे कर्मचारी घटनास्थळी दाखल होत वाहतूक कोंडी झालेला रस्ता वाहतुकीसाठी मोकळा केला असून याबाबत अधिक तपास यवत पोलीस करत आहे
