राहुलकुमार अवचट
यवत, (पुणे) : दौंड तालुक्यातील खामगाव येथे अज्ञात कारणावरुन एका व्यक्तीचा कोयत्याने वार करून निर्घृणपणे खून केल्याची धक्कादायक घटना घडली आहे. आज शनिवारी (ता. 03) सायंकाळी सहा वाजण्याच्या सुमारास खामगाव गावचे हद्दीतील घडामोडी चौकात ही घटना घडली आहे.
सुरज राहुल भुजबळ असे खून झालेल्या तरुणाचे नाव आहे. तर अमित बहिरट असे आरोपीचे नाव आहे. या घटनेने परिसरात एकच खळबळ उडाली असून बघ्यांनी मोठी गर्दी केली आहे. या घटनेची माहिती मिळताच यवत पोलीस घटनास्थळी दाखल झाले असून पुढील कार्यवाही सुरु आहे. हत्येचा संपूर्ण थरार परिसरातील सीसीटीव्ही कॅमेऱ्यात कैद झाला आहे.
