विशाल कदम
लोणी काळभोर Breaking News : नातेवाईकांच्या लग्नासाठी गेल्यानंतर घरात कोणी नसल्याचा फायदा घेऊन चोरट्यांनी कुंजीरवाडी (ता. हवेली) ग्रामपंचायत हद्दीतील धुमाळमळा परिसरात दोन ठिकाणी घरफोडी (Breaking News) केल्याची धक्कादायक घटना आज मंगळवारी (ता.१६) सायंकाळी साडेचार वाजण्याच्या सुमारास उघडकीस आली आहे. (Breaking News) या घरफोडीत चोरट्यांनी ३ ते ४ तोळे सोने चोरून नेल्याची माहिती समोर येत आहे. (Breaking News)
कुंजीरवाडी येथे दोन ठिकाणी घरफोडी
मिळालेल्या माहितीनुसार, मंदार सुभाष धुमाळ यांचे कुंजीरवाडी येथील श्रीनाथ म्हस्कोबा मंदिराजवळ घर आहे. धुमाळ हे नातेवाईकांच्या लग्नासाठी आज मंगळवारी कुटुंबासोबत घर बंद करून गेले होते. धुमाळ हे लग्न झाल्यानंतर साडेचार वाजण्याच्या सुमारास घरी आले असता, त्यांना घराच्या दरवाजाच्या लॉक तुटलेले आढळून आले.
धुमाळ यांनी तातडीने घरात जाऊन पाहणी केली असता, त्यांनी कपाटात ठेवलेले ३ ते ४ तोळे सोन्याचे आढळून आले नाहीत. त्यांना आपल्या घरात चोरी झाल्याचे लक्षात आल्यानंतर धुमाळ यांनी तातडीने लोणी काळभोर पोलिसांना याबाबतची माहिती दिली.
दरम्यान, कुंजीरवाडी येथील बबन शंकर कोकाटे यांच्याही घाराचे कुलूप तोडून चोरट्यांनी घरफोडी करण्याचा प्रयत्न केले. घरातील सामानाची उचकापाचक केली. मात्र चोरट्यांना कोकाटे यांच्या घरातून काहीच हाती लागले नाही. अशी माहिती मिळत आहे.
या घटनेची माहिती मिळताच, लोणी काळभोर पोलीस तातडीने घटनास्थळी दाखल झाले असून पोलीस पुढील तपास करीत आहे. दरम्यान, भरदिवसा दोन ठिकाणी घरफोडी झाल्यामुळे नागरिकांमध्ये भीतीचे वातावरण तयार झाले आहे.
अधिक बातम्या वाचण्यासाठी येथे क्लिक करा :
तळेगाव ढमढेरे येथे अज्ञान चोरट्याकडून घरफोडी ; रोख रखमेसह १७ लाखांचे दागिने लंपास…!
