पुणे : लोहगावमधील बोगस डॉक्टरला पुणे महापालिकेच्या आरोग्य विभागाने शनिवारी (ता.२५) पकडले आहे. बोगस वैद्यकीय व्यावसायिक शोध मोहिमेअंतर्गत महापालिकेने ही कारवाई केली आहे.
मिळालेल्या माहितीनुसार, महाराष्ट्र वैद्यक परिषदेकडे नोंदणी न करता होमिओपॅथी वैद्यकीय व्यवसाय करणाऱ्या लोहगाव परिसरातील बोगस डॉक्टरवर महापालिकेच्या आरोग्य विभागाने शनिवारी (२५ फेब्रुवारी) कारवाई केली.
ही कारवाई आरोग्य विभागाचे प्रमुख डॉ. आशिष भारती आणि सहायक आरोग्य अधिकारी डॉ. कल्पना बळिवंत यांनी स्थानिक पोलिसांच्या मदतीने ही कारवाई केली. या प्रकरणी क्षेत्रीय वैद्यकीय अधिकाऱ्यांनी विमानतळ पोलीस ठाण्यात तक्रार दिली आहे.
