वडगावशेरी : आपण शरद पवार यांच्या राष्ट्रवादीत प्रवेश करणार नसून, भाजपमध्येच थांबणार असल्याची माहिती माजी नगरसेवक संदीप जऱ्हाड आणि माजी नगरसेविका सुनीता गलांडे यांनी पत्रकारांशी बोलताना दिली. वडगावशेरी मतदारसंघात माजी आमदार बापूसाहेब पठारे यांनी राष्ट्रवादी (श.प.) पक्षात प्रवेश केला आहे. त्यानंतर येत्या २७ तारखेला शरद पवार हे मेळावा घेणार आहेत. त्या मेळाव्यात १० माजी नगरसेवक प्रवेश करतील असा दावा केला होता.
यामध्ये भाजपच्या माजी नगरसेवकांचादेखील समावेश आहे. कोण कोण माजी नगरसेवक प्रवेश करतील, अशी चर्चा सुरू झाली. यामध्ये माजी नगरसेवक संदीप जऱ्हाड, माजी नगरसेविका सुनीता गलांडे हेदेखील प्रवेश करणार असल्याची चर्चा आहे. तशा बातम्या प्रसिद्ध झाल्या होत्या. यानंतर या दोघांनाही वरिष्ठ नेत्यांनी विचारणा केल्यानंतर त्यांनी आपण भाजपमध्ये थांबणार असल्याची माहिती पत्रकारांना दिली.
