लोणी काळभोर : पुण्याहून सोलापूरच्या दिशेने दैनंदिन प्रवासी वाहतूक करणारी पुणे-सोलापूर डेमू ट्रेन (क्रमांक-११४२१ ) व दौंड-पुणे डेमू (क्रमांक-०१५२२ ) या दोन रेल्वे गाड्या आता हडपसरहून सोडण्याचा निर्णय रेल्वे प्रशासनाने घेतला अआहे.
पुणे रेल्वे स्थानकावर वाढती गर्दी व गाड्यांची वर्दळ लक्षात घेऊन हा बदल रेल्वे प्रशासनाने घेतला आहे. तसेच याची प्रवाशांनी नोंद घेण्याचे आवाहनही रेल्वे प्रशासनाने केले आहे.
दरम्यान, पुणे-सोलापूर डेमू गाडी सकाळी ८.२५ ऐवजी हडपसर रेल्वे स्थानकावरून ८.३६ वाजता सुटणार आहे. पुणे दौंड डेमू ट्रेन पुणे स्टेशनहून सकाळी ७.४० ऐवजी हडपसर रेल्वे स्थानकावरून सकाळी ७.३६ वाजता सुटणार आहे.
