Pune Breaking News : राष्ट्रीय तपास यंत्रणा आणि राज्य दहशतवाद विरोधी पथकाने राज्यात मोठी कारवाई केली आहे. आज ९ डिसेंबर ला एनआयएने राज्यातील विविध शहरांमध्ये पहाटेपासून मोठ्या कारवाया करायला सुरुवात केली. या कारवाईत दहशतवाद विरोधी पथकाने दहा दहशतवाद्यांना ताब्यात घेतलं असून ठाण्याजवळील पडगा ,पुणे आणि इतर ठिकाणी एनआयए आणि एटीएसची मोठी छापेमारी सुरू आहे.
याबाबत सविस्तर माहिती अशी की, आज पाहते डिसेंबरला राष्ट्रीय तपास यंत्रणा (NIA) आणि राज्य दहशतवाद विरोधी पथकाने (ATS) राज्या त संयुक्तपणे कारवाई करत दहा दहशतवाद्यांना ताब्यात घेतलं आहे. आज पहाटेपासूनच ही मोठी कारवाई सुरू होती.
ठाण्यातील भिवंडीच्या पडघा गावात एनआयएने ही मोठी कारवाई करत महाराष्ट्र एटीएसच्या मदतीने एनआयएने सात ते आठ लोकांना ताब्यात घेतलं. पुण्यातील दहशतवादी प्रकरणानंतर पडघा गाव हे एनआयएच्या रडारवर होतं. तसेच पुणे आणि इतर शहरातही सुरक्षा यंत्रणांची मोठी छापेमारी सुरू आहे.
दहशतवाद्यांची देशभरात बॉम्ब ब्लास्ट करण्याची तयारी
दरम्यान, याआधी पुण्यात सापडलेल्या दहशतवादी प्रकरणानंतर पडघा गावातून दोन ते तीन जणांना अटक करण्यात आली होती. त्यानंतर आता ही मोठी कारवाई करत दहा जणांना ताब्यात घेतल आहे. ताब्यात घेतलेले दहशतवादी देशभरात अनेक ठिकाणी बॉम्ब ब्लास्ट करण्याच्या तयारीत असल्याची धक्कादायक माहितीही तपासात समोर आली आहे. त्यांच्याकडून बॉम्ब बाल्स्टचे साहित्यही राष्ट्रीय सुरक्षा यंत्रणेने जप्त केलं आहे.
