Bhor News भोर : चालकाचा स्टेअरिंगवरील ताबा सुटल्याने एसटी पलटी झाल्याची धक्कादायक घटना भोर-मळे रस्त्यावरील वाढाणे (ता. भोर) गावाजवळ गुरुवारी (ता.६) दुपारी तीन वाजण्याच्या सुमारास घडली आहे. या अपघातात बसमधील ३ शालेय मुली व दोन महिला जखमी झाल्या आहेत. (Bhor News)
मिळालेल्या माहितीनुसार, भोर आगाराची (एम.एच ०६ एस ८९७४) ही भोर-मळे एसटी बस दुपारी २ वाजता भोरहून निघाली. बसमध्ये शाळा कॉलेजला जाणारी मुले, मुली व महिला असे ५० प्रवासी होते. एसटी बस दुपारी ३ वाजता वाढाणे गावाजवळ आल्यावर चालकाचा स्टेअरिंगवरील ताबा सुटल्याने गाडी रस्त्याच्या कडेला पलटी झाली.
दरम्यान, या अपघातात एसटीतील ३ शालेय विद्यार्थिनी आणि २ महिला जखमी झाल्या आहेत. जखमींना भोर येथील रुग्णालयात उपचारासाठी दाखल करण्यात आले आहे. मात्र, आज झालेल्या अपघातामुळे विद्यार्थी घाबरले होते.
