जीवन सोनवणे
Bhor News : भोर, (पुणे) : भोर पोलीस ठाण्याचे वरिष्ठ पोलीस निरीक्षक शंकर पाटील यांच्या संकल्पनेतून पोलीस ठाण्याच्या आवारात १ हजार वृक्षरोपांची लागवड शुक्रवारी (ता. २९) उपविभागीय अधिकारी तानाजी बर्डे यांच्या हस्ते करण्यात आली.
पोलीस ठाण्याच्या आवारात एक हजार वृक्षरोपांची लागवड..
“कायद्यात रहाल तर, फायद्यात रहाल” हा अजेंडा घेऊन भोरच्या जनतेच्या रक्षणासाठी भोर पोलीस स्टेशनला नव्याने रुजू झालेले निसर्गप्रेमी पोलीस निरीक्षक शंकर पाटील यांच्या संकल्पनेतून या कार्यक्रमाचे आयोजन करण्या आले होते.
यावेळी उपविभागीय पोलिस अधिकारी तानाजी बर्डे, पोलीस निरीक्षक शंकर पाटील, उपनिरीक्षक सुप्रिया दुरंगे, पोलीस कॉन्स्टेबल दत्तात्रय खेंगरे, उध्दव गायकवाड, (Bhor News) विकास लगस, यशवंत शिंदे, शौकत शेख, अजय साळुंके, गणेश कडाळे, अश्विनी जगताप, मंगेश सुर्वे, निलेश साले, होमगार्डचे जवान, शालेय विद्यार्थी व पत्रकार संघ भोरचे व भोर तालुका पत्रकार संघाचे पदाधिकारी उपस्थित होते
.
वन विभागाच्या मदतीने पोलीस ठाणे आणि परिसरात आवळा, चिंच, बोर, कडुनिंब ,वड, पिंपळ, शिसव, कवठ, जांभूळ अशा औषधी निसर्गोपयोगी १ हजार वृक्षरोपांची लागवड करण्यात आली. (Bhor News) येत्या दोन आठवड्यात पोलीस पाटलांच्या मदतीने तालुक्यात ५ हजार वृक्षांची लागवड करण्यात येणार असल्याचे शंकर पाटील यांनी सांगितले.
दरम्यान, पर्यावरणाचा समतोल राखण्यासाठी आणि निसर्गाचा होणारा ऱ्हास होणारी हानी थांबवण्यासाठी, यासह वन्यप्राण्यांना लाभदायक अशा वृक्षांच वृक्षारोपण करत हि मोहिम राबवत असल्याचेही पाटील यांनी सांगितले.
अधिक बातम्या वाचण्यासाठी येथे क्लिक करा :
Bhor News : खरेदी विक्री संघाचे काम चांगल्या प्रकारे – आमदार संग्राम थोपटे
