विशाल शिंदे
भोंगवली: येथील जिल्हा परिषद प्राथमिक शाळेतील विद्यार्थ्यांनी नुकत्याच पार पडलेल्या शिष्यवृत्ती, प्रज्ञा शोध, मंथन, नवोदय आणि इस्रो-नासा परीक्षांमध्ये उज्वल यश मिळवत गावाचे व जिल्ह्याचे नाव उज्ज्वल केले आहे. शाळेतील विद्यार्थ्यांच्या या यशाबद्दल संपूर्ण गावातून अभिनंदनाचा वर्षाव होत आहे.
शिष्यवृत्ती परीक्षा 2024-25 मध्ये यशस्वी झालेले विद्यार्थी:
यश रामचंद्र साळुंखे – 208/300 गुण
स्वराली विशाल शिरगावकर – 198/300 गुण
श्रावणी राजेंद्र सुर्वे – 188/300 गुण
स्वरा शरद ताठे – 168/300 गुण
इयत्ता चौथी – प्रज्ञा शोध परीक्षा 2024-25:
सई विनय शिरगावकर
श्रेया नितीन लंके
साई महेश कदम
स्वरा दीपक शिरगावकर
अनुष्का बाबुलाल भांडे
ज्ञानेश्वरी विठ्ठल गायकवाड
स्वराज शशिकांत भांडे
इयत्ता तिसरी – मंथन परीक्षा 2024-25:
आर्यन दत्तात्रय सुर्वे
अजिंक्य शिवमहेंद्र सुर्वे
जवाहर नवोदय परीक्षा 2024-25 मध्ये यश मिळवलेले विद्यार्थी:
यश रामचंद्र साळुंखे
स्वराली विशाल शिरगावकर
श्रावणी राजेंद्र सुर्वे
इस्रो-नासा परीक्षा 2024-25 मध्ये चमकदार कामगिरी:
श्रेया विकास शिंदे
सार्थक विठ्ठल गायकवाड
श्रावणी राजेंद्र सुर्वे
वरद महादेव शेडगे
या सर्व विद्यार्थ्यांच्या यशामागे शाळेच्या शिक्षकांचे मार्गदर्शन, विद्यार्थ्यांची चिकाटी व मेहनत आणि पालकांचे सहकार्य हे महत्त्वाचे घटक ठरले आहेत, असे मुख्याध्यापकांनी सांगितले. शाळेतील विविध उपक्रम व अभ्यासाच्या नियोजनामुळेच विद्यार्थ्यांना ही घवघवीत कामगिरी करता आली, असे त्यांनी नमूद केले.
शाळेतील या यशस्वी विद्यार्थ्यांचे अभिनंदन करण्यासाठी शाळा व्यवस्थापन समिती, शिक्षकेतर कर्मचारी, पालक, ग्रामस्थ आणि ‘शाळा मित्र गाव’ या उपक्रमाशी संबंधित सर्वांनी पुढाकार घेतला. जिल्हा परिषदेच्या शाळेत मिळणाऱ्या गुणवत्तापूर्ण शिक्षणामुळे खासगी शाळांमध्ये होणारा खर्च टाळता येतो, हे या यशाने पुन्हा सिद्ध केले आहे. या निमित्ताने पालकांना जिल्हा परिषद शाळांकडे अधिक विश्वासाने पाहावे, आपल्या पाल्याला येथे दाखल करून त्याचे भविष्य उज्ज्वल करावे, असे आवाहन करण्यात आले.
