भिगवण : इंदापूर तालुक्यातील भिगवण ग्रामपंचायतीच्या उपसरपंच मुमताज जावेद शेख यांनी राजीनामा दिला असून, तो ३० सप्टेंबर रोजी झालेल्या मासिक सभेत मंजूर केल्याची माहिती सरपंच दिपीका क्षीरसागर यांनी दिली.
मुमताज शेख यांनी त्यांच्या कार्यकाळात अनेक लोकाभिमुख कामे केल्याने त्या अल्पावधीतच लोकप्रिय उपसरपंच म्हणून नावारूपाला आल्या होत्या. दरम्यान, राजीनामा मंजूर झाल्यानंतर सरपंच दिपीका क्षीरसागर या लवकरच उपसरपंच पदाची निवडणूक जाहीर करणार आहेत. यामुळे नवा उपसरपंच कोण होणार, याकडे भिगवणसह पंचक्रोशीतील नागरिकांचे लक्ष लागून राहिले आहे
