Baramati Election : बारामती पोटनिवडणुकीची उद्या मतमोजणी; प्रशासन पूर्ण तयारीत, कडक सुरक्षा व्यवस्था

Baramati Election बारामती, ता. 3 : बारामती विधानसभा पोटनिवडणुकीसाठी झालेले मतदान आता निर्णायक टप्प्यात आले असून, या निवडणुकीची मतमोजणी सोमवारी (दि. ४) एमआयडीसी बारामती येथील महाराष्ट्र राज्य वखार महामंडळाच्या गोडाऊनमध्ये सकाळी ८ वाजल्यापासून सुरू होणार आहे. या प्रक्रियेसाठी प्रशासनाने सर्व तयारी पूर्ण केल्याची माहिती निवडणूक निर्णय अधिकारी उत्तम दिघे यांनी दिली. Baramati Election

मतमोजणी पारदर्शक आणि सुरळीत व्हावी यासाठी सुमारे ३०० अधिकारी व कर्मचाऱ्यांची नियुक्ती करण्यात आली आहे. यामध्ये ३० सूक्ष्म निरीक्षक, ३० पर्यवेक्षक आणि ३० सहाय्यकांचा समावेश आहे. ईव्हीएम मतमोजणीसाठी २० टेबल, तर पोस्टल मतपत्रिकांसाठी ६ टेबलांची व्यवस्था करण्यात आली आहे. सहाय्यक निवडणूक निर्णय अधिकारी स्वप्नील रावडे यांनी सर्व कर्मचाऱ्यांना आवश्यक प्रशिक्षण दिले आहे. Baramati Election

निकालाच्या दिवशी कोणतीही अनुचित घटना घडू नये यासाठी कडक पोलीस बंदोबस्त तैनात करण्यात येणार असून, आवश्यक प्रतिबंधात्मक उपाययोजना राबविण्यात येणार आहेत. मतमोजणी केंद्रात केवळ अधिकृत व्यक्तींनाच प्रवेश दिला जाणार आहे.

यावेळी प्रथमच क्यूआर कोड प्रणाली लागू करण्यात आली असून, सर्व प्रवेशिकांवर क्यूआर कोड देण्यात आला आहे. त्याचे स्कॅनिंग झाल्यानंतरच प्रवेश दिला जाणार आहे. माध्यम प्रतिनिधींसाठी स्वतंत्र कक्षाची व्यवस्था करण्यात आली असून, फेरीनिहाय निकाल तत्काळ उपलब्ध करून दिला जाणार आहे. Baramati Election

 

सुरक्षेच्या दृष्टीने मतमोजणी केंद्रात मोबाईल वापरण्यास बंदी घालण्यात आली असून, संपूर्ण प्रक्रिया काटेकोर आणि नियमबद्ध पद्धतीने पार पडणार असल्याचे प्रशासनाने स्पष्ट केले आहे. Baramati Election