सासवड : सासवड येथील बस स्थानकासमोरील आईस्क्रीम पार्लर येथे मागील आठवड्यात गुरुवारी (दि.१८) दुपारी ४ वाजण्याच्या समारास राहुल टिळेकर यांच्यावर गोळीबार करण्यात आला होता. या घटनेत टिळेकर गंभीरित्या जखमी झाले होते. यानंतर राहुल टिळेकर यांच्या भावाने सासवड पोलिस ठाण्यात फिर्याद दाखल केली होती.
दरम्यान, सासवड पोलिसांनी आत्तापर्यंत पाच आरोपींना अटक केली असून आज आणखी एका आरोपीला ताब्यात घेतले आहे. आरोपींकडून गुन्ह्यात वापरलेली दोन पिस्टल जप्त, तीन जीवंत काडतुस हस्तगत करण्यात सासवड पोलिसांना यश आले आहे.
आत्तापर्यंत सहा आरोपींना अटक
या गोळीबार प्रकरणात आत्तापर्यंत सहा आरोपींना अटक करण्यात सासवड पोलिसांना यश आले आहे. प्रताप संभाजी जगताप (वय-39 रा मांडकी, ता. पुरंदर), सुमित कमलाकर वाघमारे (वय-19 रा. उंड्री, ता. हवेली), सुजल तमन्ना आंबेकर (वय-20 रा. चंदननगर, खराडी) यांना बुधवार (दि, 24) पर्यंत तर अजय संभाजी जगताप (वय-42 रा. जेजुरी, ता. पुरंदर), दया ऊर्फ दयानंद संभाजी जगताप (वय-35 रा. जुनी सांगवी, पुणे) यांना शुक्रवारी (दि. 19) अटक करण्यात आली आहे.
