पारगाव : आंबेगाव तालुक्यातील पोंदेवाडी येथील पडवळ वस्तीवरील नीलेश चिमाजी पडवळ यांच्या विहिरीवरील पाण्यातील मोटार चोरट्याने चोरुन नेली आहे. त्यामुळे त्यांचे सुमारे 13 हजार रुपयांचे नुकसान झाले आहे.
पडवळ वस्तीवरील रहिवाशी नीलेश पडवळ यांनी दोन आठड्यापुर्वी विहिरीवर पाण्यातील तीन एचपीची नवीन मोटार बसवली होती. ते शुक्रवारी (ता.24) सकाळी विहिरीवरील मोटार सुरु करण्यासाठी गेले. त्यावेळी मोटार सुरु होत नव्हती. त्यामुळे त्यांनी विहिरीत पाहिले असता केबल मोकळी दिसली आहे. त्यावेळी पाईपही उचलून पाहिला असता तोही मोकळा पाण्यात सोडून दिलेला होता. चोरट्यांनी केबल व पाइप कापून मोटार चोरुन नेल्याचे लक्षात आले.
यावेळी पारगाव कारखाना पोलीस ठाण्यात तक्रार दिली आहे.
