Ahmednagar Accident | अहमदनगर : संगमनेर -अकोले रस्त्यावर दुधाचा टँकर आणि दोन दुचाकीच्या विचित्र अपघातामध्ये तीन तरुणांचा जागीच दुर्दैवी मृत्यू झाला आहे. तर एक जण गंभीर जखमी झाल्याची घटना शुक्रवारी (ता. १७) रात्री नऊ वाजण्याच्या सुमारास संगमनेर -अकोले रस्त्यावरील (Ahmednagar Accident) मंगळापूर शिवारात ही घटना घडली आहे.
या भीषण अपघातात ऋषीकेश हासे (वय-२०), सुयोग हासे, (वय – २०), निलेश सिनारे (वय – २६) यांचा दुर्दैवी मृत्यू झाला आहे. या अपघातामध्ये एक तरुण गंभीर जखमी झाला आहे, त्याला उपचारासाठी रुग्णालयात दाखल करण्यात आले आहे.
मिळालेल्या माहितीनुसार, संगमनेर – अकोले रस्त्यावरून चौघेजण हे दोन दुचाकी घेऊन रात्री नऊ वाजण्याच्या सुमारास निघाले होते. मंगळापूर शिवारात आले असता दुधाचा टँकर आणि दोन दुचाकींचा भीषण अपघात झाला.
पोलिसांनी केला टँकर जप्त …
या अपघातामध्ये तीन तरुणांचा जागीच मृत्यू झाला आहे. तर एक जण गंभीर जखमी झाला आहे. जखमीला उपचारासाठी रुग्णालयात दाखल करण्यात आलं आहे. या प्रकरणात पोलिसांनी टँकर जप्त केला असून, चालकाला देखील ताब्यात घेण्यात आलं आहे.
दरम्यान, ही धडक इतकी भीषण होती, की यातील तीन तरुणांचा जागीच मृत्यू झाला. अपघातानंतर घटनास्थळी स्थानिकांनी मोठी गर्दी केली होती. या घटनेची माहिती मिळताच, पोलिसांनी तातडीने घटनास्थळी धाव घेत तरुणांचे मृतदेह ताब्यात घेतले. याप्रकरणी पोलिसांनी टँकरचालकाविरोधात गुन्हा दाखल केला आहे.
या घटनेमुळे परिसरात हळहळ व्यक्त केली जात आहे.
अधिक बातम्या वाचण्यासाठी येथे क्लिक करा…!
Pimpari News : शिवजयंतीच्या दिवशी झालेल्या अपघातातील जखमी १३ वर्षीय सच्च्या शिवभक्ताची झुंज अपयशी
Breaking News | मुंबई -पुणे एक्सप्रेस वेवर भीषण अपघात ; तिघांचा जागेवरच मृत्यू..!
