लोणी काळभोर : Manjari Crime – भरधाव वाहनाने दिलेल्या धडकेत मांजरी खुर्द (ता. हवेली) (Manjari )येथील एकाझोमॅटोच्या डिलव्हरी बॉयचा (zomato-delivery-boy) दुर्दैवी मृत्यू (accidental-death) झाल्याची घटना समोर आली आहे. या अपघातानंतर वाहन चालक घटनास्थळावरून पसार झाला. सोमवारी पहाटे साडे चारच्या सुमारास हडपसरमधील हांडेवाडी चौकात (handewadi-chowk) कात्रज लेनवर घडला आहे. (Manjari Crime)
निलेश दिलीप बदनाळे (वय २३, रा. मांजरी खुर्द) असे अपघातात मृत्यू झालेल्या तरुणाचे नाव आहे.
याप्रकरणी हडपसर पोलीस ठाण्यात अज्ञात वाहन चालकाविरोधात गुन्हा दाखल करण्यात आला आहे. याबाबत निलेशचा मित्र सागर कुसकर (वय २४, रा. खराडी) याने तक्रार दिली आहे.
मिळालेल्या माहितीनुसार, निलेश हा झोमॅटोला डिलव्हरी बॉय म्हणून नोकरी करत होता. दरम्यान, पहाटे साडे चार वाजण्याच्या सुमारास तो हांडेवाडी चौकातून कात्रज लेनने एक डिल्वहरी देण्यासाठी जात असताना अज्ञात वाहनाने त्याला जोराची धडक दिली. या धडकेत निलेश गंभीररित्या जखमी झाला. अपघातानंतर वाहन चालक पसार झाला. दरम्यान, गंभीर जखमी झालेल्या निलेशचा मृत्यू झाला. घटनेची माहिती मिळताच हडपसर पोलिसांनी घटनास्थळी धाव घेतली. पुढील तपास पोलीस करत आहेत.
