अक्षय टेमगिरे
रांजणगाव गणपती: तळेगाव – न्हावरा रस्त्यावर पुढे चाललेल्या ट्रकने अचानक ब्रेक दाबल्यामुळे एका पाठोपाठ तीन गाड्या एकमेंकाना धडकल्याने अपघात झाला आहे. शुक्रवारी रात्री ११ वाजेच्या सुमारास एक ट्रक न्हावरा दिशेने तळेगाव ढमढेरे कडे जात असताना विरुद्ध बाजूने येणाऱ्या वाहन चालकाने साईड न देता आपले वाहन अचानक थांबवल्यामुळे ट्रक ड्रायव्हरने ब्रेक दाबला. यामुळे त्याच्यापाठोपाठ येणारा ट्रक समोरच्या ट्रकला मागून धडकला. ट्रकच्या मागे येत असलेली पिकप देखील ट्रकला मागून धडकली. या अपघातात ट्रक रस्त्यामध्येच बंद पडल्यामुळे रात्रभर मोठ्या वाहतूक कोंडी झाली होती. सकाळी ग्रामस्थांच्या मदतीने ट्रक रस्त्याच्या बाजूला करण्यात आला असून वाहतूक सुरळीत झाली आहे.
या अपघातात ट्रक चालकाला व पिकप ड्रायव्हरला किरकोळ दुखापत झाली असून सुदैवाने या अपघातात कुठलीही जीवित हानी झालेली नाही. ट्रकचे व पिकप चे मोठ्या प्रमाणात नुकसान झाले आहे
