पुणे : पुणे-नाशिक महामार्गावर पेट घाटात विचित्र अपघाताची घटना घडली आहे. पेट घाटात टेम्पो, कंटेनर आणि कारचा तिहेरी अपघात झाला आहे. या अपघातात तिघांचा होरपळून मृत्यू झाला असून एक जण गंभीर जखमी झाला आहे. रोहिदास राक्षे, विराज कदम, आणि अंकुश भांबुरे असे अपघातात मृत्यु झालेल्या तरुणांची नावे आहेत. आज पहाटे सहा वाजण्याच्या सुमारास हा अपघातात झाला आहे.
मिळालेल्या अधिक माहितीनुसार, पुणे-नाशिक महामार्गावर पेट घाटात उतारावर कार चालकाचं कारवरील नियंत्रण सुटल्यामुळं हा अपघात झाल्याचा अंदाज व्यक्त केला जात आहे. तीन वाहने एकमेकांवर आदळून हा अपघात झाला आहे. या अपघातात कारने अचानक पेट घेतला. त्यामुळं तिघांचा आगीत होरपळून मृत्यु झाला आहे. तर एक गंभीर जखमी झाला आहे. पहाटे सहा वाजेदरम्यान हा अपघात झाला आहे. अपघातामुळे महामार्गावर वाहतुक कोंडी झाली होती.
