(Accident News) पिंपरी-चिंचवड : जुना पुणे-मुंबई महामार्गावर अपघात झाल्याची घटना समोर आली आहे. भरधाव वेगात येणाऱ्या बसने एका पादचाऱ्यास धडक दिली असून यामध्ये पादचाऱ्याचा मृत्यू झाला आहे. हा अपघात गुरुवारी (दि.9) सकाळी साडेआठ वाजता सोमाटणे फाटा येथे झाला आहे.
याप्रकरणी शैलेश शहाजी भोसले (वय 32, रा. तळेगाव दाभाडे) याच्या विरोधात तळेगाव दाभाडे पोलीस ठाण्यात गुन्हा दाखल करण्यात आला आहे. श्यामनाथ हरीगेन जयस्वाल (वय 56 रा. भोसरी. मूळ रा. उत्तर प्रदेश) यांनी पोलीस ठाण्यात तक्रार दिली आहे.
पोलिसांनी दिलेल्या माहितीनुसार, शैलेश भोसले याने त्याच्या ताब्यातील बस (एमएच 14/एचयु 5372) भरधाव वेगात चालवली. सोमाटणे फाटा येथे फिर्यादी यांचा भाऊ लालमणी रस्ता ओलांडत असताना भोसले याच्या बसने त्यांना धडक दिली.
त्यात गंभीर जखमी झालेल्या लालमणी यांचा मृत्यू झाला. पुढील तपास तळेगाव दाभाडे पोलीस करीत आहेत.
अधिक बातम्या वाचण्यासाठी येथे क्लिक करा…
Politics News : काँग्रेस केवळ घोषणा करणार पक्ष – उदयनराजे भोसले
