उरुळी कांचन, (पुणे) : खामगाव टेक (ता. हवेली) येथे एका 10 वर्षाच्या मुलीचे अज्ञात व्यक्तीने अपहरण केल्याची घटना घडली आहे. खामगाव टेक ग्रामपंचायत हद्दीत सोमवारी (ता. 20) सायंकाळी सहा वाजण्याच्या सुमारास हि घटना घडली आहे.
पायल सुनिल धुळे (वय- 10, रा. खामगाव टेक, ता. हवेली) असे अपहरण करण्यात आलेल्या मुलीचे नाव आहे. याप्रकरणी सुनील बाळू धुळे (रा. खामगाव टेक, ता. हवेली) यांनी उरुळी कांचन पोलीस ठाण्यात फिर्याद दिली आहे. त्यानुसार अज्ञात व्यक्तीच्या विरोधात गुन्हा दाखल करण्यात आला आहे.
मिळालेल्या माहितीनुसार, खामगाव टेक परिसरात सायंकाळी पाच वाजण्याच्या सुमारास पायल हि तिचे चुलते व चुलती यांच्याबरोबर बाहेर गेली होती. यावेळी एक इसम हा पायल व तिच्या असलेल्या चुलत्याजवळ आला. यावेळी त्याने चुलत्याला बोलून त्या ठिकाणची ओळख सांगितली. व बोलण्यात गुंतवले.
त्याचबरोबर बोलत बोलत मुलीची सर्व माहिती विचारून घेतली. व मोठ्या प्रमाणात दारू पाजली. यावेळी चलाखीने पायलला दुचाकीवर बसविले व त्याठिकाणावरून निघून गेला. यावेळी चुलतीने सदर घटना मुलीच्या वडिलांना सांगितली. यावेळी परिसरातील खामगाव टेक व तसेच परिसरातील कंपनी, माजी सरपंच यांच्या घराशेजारील सीसीटीव्ही. सहजपूर परिसरातील सीसीटीव्ही पहिले.
दरम्यान, यावेळी एक इसम हा मुलीला दुचाकीवरून घेऊन जाताना दिसून आला आहे. त्याच्या गाडीचा नंबर थोड्या प्रमाणात दिसत आहे. याप्रकरणी उरुळी कांचन पोलीस ठाण्यात अज्ञात व्यक्तीच्या विरोधात तक्रार देण्यात आली आहे. सदर आरोपी व मुलगी कोठे आढळून आल्यास उरुळी कांचन पोलीसांशी तसेच नातेवाईक वडील 95290 30045 व 9172591820 या नंबर संपर्क करण्याचे आवाहन पोलीसांनी केले आहे.
