सासवड : एम. ई. एस. इंग्लिश मीडियम स्कूलच्या विद्यार्थ्यांना आज (शनिवार) सामाजिक जाणीव जागृती व्हावी या उद्देशाने कुंभारवाड्याची भेट घडवून आणली. तेथील कुंभारवाडा गणेशोत्सव मित्र मंडळामध्ये विद्यार्थ्यांनी गणपतीची आरती केली. तसेच सासवड परिसरातील नामांकित नेताजी सुभाष गणेशोत्सव मंडळामध्ये विद्यार्थ्यांनी सामूहिक अथर्वशीर्ष पठण केले.
त्याचबरोबर समाजामध्ये स्वच्छतेबद्दल जाणीव जागृती करण्यासाठी स्वाती पांढरे यांच्या मार्गदर्शनाखाली सातवीच्या विद्यार्थ्यांनी पथनाट्य सादर केले. सदर उपक्रमाची आखणी प्रशालेच्या मा. मुख्याध्यापिका कल्पना खांडेकर – नागनूर यांच्या मार्गदर्शनाखाली भाऊसाहेब येळे , रुचिरा गार्डी व शीतल शिंदे यांनी केली होती.
