Aalephata News : आळेफाटा : नगर कल्याण महामार्गावर टेम्पो ट्रॅव्हलची दुचाकीला धडक बसून भीषण अपघात झाल्याची घटना समोर आली आहे. या अपघातात तीन जणांचा दुर्दैवी मृत्यू झाला आहे. महामार्गावर वडगाव आनंद शिवारात चौगुलेवस्ती जवळ बुधवारी (7 जून ) रात्री पावणेअकराच्या वेळेस हा भीषण अपघात झाला आहे. मृत झालेले तिघेही परप्रांतीय कामगार आहेत. अपघातानंतर ग्रामस्थ व आळेफाटा पोलिस घटनास्थळी दाखल झाले. त्यांनी दुचाकीवरील जखमींना आळेफाटा येथील दवाखान्यात दाखल केले. (Tempo travel and two-wheeler tragic accident on Nagar Kalyan highway; Unfortunate death of three)
मृत झालेले तिघेही परप्रांतीय कामगार
योगेश रामकुमार (वय 21 रा धामणकर बिजनोर उत्तरप्रदेश) चाहत बाबुराम (वय 17 रा बिजनोर खरणगपुर उत्तरप्रदेश) संजीव कुमार नथुसिंह (वय 27 रा बिजनोर नगीना उत्तरप्रदेश) अशी मृत कामगारांची नावे आहेत. याप्रकरणी आळेफाटा पोलीस ठाण्यात गुन्हा दाखल करण्यात आला आहे. (Aalephata News) टेंम्पो ट्रॅव्हल्स चालक परमेश्वर दत्तात्रय आंधळे (रा भिवंडी) यास पोलीसांनी ताब्यात घेतले आहे.
मिळालेल्या माहितीनुसार, आळेफाटा येथून नगर कल्याण महामार्गावर जाणारी दुचाकी व कल्याण बाजुकडून भरधाव वेगात येणारी टेंम्पो ट्रॅव्हल्स यांच्यामध्ये आळेफाट्या पासून अवघ्या काही अंतरावर असलेल्या वडगाव आनंद शिवारात चौगुलेमळा येथे बुधवारी रात्री पावणेअकरा वाजेच्या दरम्यान भीषण अपघात झाला. (Aalephata News) या अपघातात दुचाकीवरील योगेश रामकुमार, संजीवकुमार नथुसिंह व चाहत बाबुराम हे गंभीर जखमी झाल्याने जागीच मृत्यू झाला. हे सर्वजण उत्तरप्रदेशमधील असून आळेफाटा येथील एका बेकरीत काम करत होते. रात्रीच्या वेळेस ते दुचाकी वरून जेवन करण्यासाठी वडगाव आनंद येथे जात होते. अपघात इतका भीषण होता की, यामध्ये दुचाकीचा चक्काचूर झाला. तसेच ट्रॅव्हल्स बसचेही नुकसान झाले. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : पालखी सोहळ्यानिमित्त प्रादेशिक परिवहन कार्यालयाच्या कामकाजात बदल
Pune News : खळबळजनक ! पुण्यातील इंडसइंड बँकेत दिवसाढवळ्या चोरी; चोरीचा थरार सीसीटीव्हीत कैद
