पुणे : सासवडवरून हडपसर येथे जात असताना फुरसुंगी येथे दुचाकीस्वाराचा भरधाव ट्रकने दिलेल्या धडकेत दूर्दैवी मृत्यू झाल्याची घटना घडली. राजू बाब्या काट रावत (वय ४६, रा. खंडोबानगर, सासवड) असे अपघातात मृत्यू झालेल्या दुचाकीस्वाराचे नाव आहे.
या प्रकरणी पोलीस अंमलदार सुनील कांबळे यांनी हडपसर पोलीस ठाण्यात फिर्याद दिली आहे. त्यानुसार अज्ञात ट्रक चालकाविरोधात गुन्हा दाखल करण्यात आला आहे.
अपघातप्रकरणी पोलिसांनी दिलेल्या माहितीनुसार, मृत राजू रावत हे २६ फेब्रुवारी रोजी रात्री साडेअकराच्या सुमारास सासवडवरून हडपसर येथे जात होते. फुरसुंगी येथील विठ्ठल पेट्रोल पंपासमोर आले असता त्यांच्या दुचाकीला भरधाव ट्रकने धडक दिली. त्यात राजू रावत जखमी होऊन त्यांचा मृत्यू झाला.
या प्रकरणाचा पुढील तपास पोलीस उपनिरीक्षक बापूराव खंदारे करीत आहेत.
