पुणे : पुण्यातील सिंहगड रोडवरील दांडेकर पुलाजवळ एमएनजीएलची गॅस पाईपलाईन फुटल्याची घटना रात्री १२ वाजण्याच्या सुमारास घडली आहे. गॅस पाईपलाईन फुटल्यामुळे जमिनीतून आगीच्या ज्वाळा बाहेर पडत होत्या. अखेर पहाटे चार वाजता आगीवर नियंत्रण मिळवण्यात अग्निशामक दलाला यश आले आहे.
या घटनेमुळे सिंहगड रोडवरील या भागातील एका बाजुची वाहतूक थांबवण्यात आली होती. दुसऱ्या बाजूने वाहने जात आहेत. ही आग आजुबाजुला तीन ठिकाणी पसरली होती. त्यामुळे अधिक पाण्याचे बंबे बोलवावे लागले होते.
आग पसरल्यामुळे नियंत्रण मिळवण्यास वेळ लागला. या घटनेमुळे सिंहगड रोडवरील या भागातील एका बाजुची वाहतूक थांबवण्यात आली होती.
