पुणे : महाराष्ट्र विधानसभा निवडणुकीची मतमोजणी सुरु झाली आहे. सुरवातीला टपाल मतमोजणी सुरु असून सुरवातीच्या कलामध्ये महायुती आघाडीवर दिसत आहे. राज्यात चर्चेत असणारा पुण्यातील कसबा विधानसभा मतदारसंघातून महायुतीचे हेमंत रासने विजयी झाले असून मविआचे रवींद्र धंगेकर पराभूत झाले आहेत. अडीच वर्षांमध्ये झालेल्या राजकीय उलथापालथी, सत्तासंघर्ष, पक्षफुटी यामुळे महाराष्ट्राचे राजकारण ढवळून निघाले आहे. या पार्श्वभूमीवर, २० नोव्हेंबर रोजी राज्यात विधानसभा निवडणुकीचे मतदान पार पडल्यानंतर आज २३ नोव्हेंबर २०२४ रोजी निकाल जाहीर होत आहेत.
सर्व राज्याचे कसबा विधानसभा मतदारसंघाकडे लक्ष लागून होते. गेल्या पोटनिवडणुकीमध्ये काँग्रेसच्या रवींद्र धंगेकर यांनी भाजपचे हेमंत रासने यांचा पराभव केला होता. आता हेमंत रासने यांनी महाराष्ट्र विधानसभा निवडणुकीत विजय मिळवून आपल्या पराभवाचा वचपा काढला आहे.
मतमोजणीला सुरुवात झाली असून प्राथमिक कलामध्ये कसबा विधानसभा मतदारसंघातून महायुतीचे हेमंत रासने विजय संपादन केला आहे. तर मविआचे रवींद्र धंगेकर यांना पराभव पत्करावा लागला आहे.
