हडपसर, (पुणे) : हडपसर पोलीस ठाण्याच्या हद्दीत 52 वर्षाच्या व्यक्तीकडून 25 वर्षाच्या तरुणीचा विनयभंग केल्याची घटना घडली आहे. ‘तू मला खुप आवडतेस, तुझ्या बद्दल माझ्या मनात फिलिंग्स आहेत’ असं म्हणत सोबत काम करणाऱ्या तरुणीचा विनयभंग केला. याप्रकरणी हडपसर पोलिसांनी 52 वर्षाच्या व्यक्तीवर गुन्हा दाखल केला आहे. हा प्रकार जानेवारी ते 25 जून या कालावधीमध्ये घडला.
याप्रकरणी 25 वर्षाच्या पीडित मुलीने मंगळवारी 25 जून रोजी हडपसर पोलीस ठाण्यात फिर्याद दिली आहे. त्यावरून अनिल सुदाम माने (वय-52 रा. शेवाळवाडी मांजरी, हडपसर) याच्या विरोधात गुन्हा दाखल करण्यात आला आहे.
हडपसर पोलिसांनी दिलेल्या माहितीनुसार, पीडित तरुणी आणि आरोपी हडपसर परिसरात एका ऑफिसमध्ये काम करत असून दोघेही एकमेकांच्या परिचयाचे आहेत. अनिल माने याने तरुणीसोबत जवळीक साधण्याचा प्रयत्न केला. तसेच ‘तू मला खुप आवडतेस, तुझ्या बद्दल माझ्या मनात फिलिंग्स आहेत’ असं बोलून स्त्री मनास लज्जा उत्पन्न होईल असे वर्तन केले.
त्यानंतर तरुणीला वारंवार फोन करून त्रास देण्यास सुरुवात केली. दरम्यान, तरुणीने आरोपी माने याला फोन करु नको असे सांगितले. मात्र, त्याने वारंवार फोन करून तिला त्रास दिला. तसेच तिच्या मोबाईलवर अश्लील मेसेज करुन तिचा विनयभंग केल्याचे फिर्यादीत म्हटले आहे. पुढील तपास हडपसर पोलीस करत आहेत.
