Theur Sad News, लोणी काळभोर : अपेंडिक्सच्या उपचारासाठी काष्टी (ता.श्रीगोंदा) येथे गेलेल्या थेऊर (ता.हवेली) (Theur Sad News) ग्रामपंचायतीच्या एका कामगाराचा हृदयविकाराच्या तीव्र झटक्याने मृत्यू झाल्याची धक्कादायक घटना रविवारी (ता.११) सकाळी सव्वासात वाजण्याच्या सुमारास घडली आहे. (Theur Sad News) या घटनेमुळे थेऊर ग्रामपंचायतीवर शोककळा पसरली आहे. (Theur Sad News)
प्रशांत विलास सोनवणे (वय-२६, रा. थेऊर, ता. हवेली) असे हृदयविकाराच्या तीव्र झटक्याने मृत्यू झालेल्या कर्मचाऱ्याचे नाव आहे.
मिळालेल्या माहितीनुसार, प्रशांत सोनवणे हा थेऊर ग्रामपंचायतीच्या (Theur Sad News) कचऱ्याच्या गाडीवर काम करीत होता. प्रशांतला मागील काही दिवसांपासून पोटात दुखत होते. त्याने दवाखान्यात तपासण्या केल्या असता, डॉक्टरांनी प्रशांतला अपेंडिक्स चा त्रास असल्याचे सांगितले. (Theur Sad News) पुण्यातील डॉक्टरांनी अपेंडिक्सवर उपचार करण्यासाठी भलामोठा खर्च सांगितला. त्यामुळे त्यांच्या कुटुंबीयांनी प्रशांतवर काष्टी (ता.श्रीगोंदा) येथे रुग्णालयात उपचार करण्याचे ठरविले.
प्रशांत सोनवणे याच्यावर काष्टी येथील रुग्णालयात अपेंडिक्स वर यशस्वी शस्त्रक्रिया करण्यात आली. व प्रशांतला रविवारी (ता.११) सकाळी १० वाजण्याच्या सुमारास सोडण्यात येणार होते. (Theur Sad News) मात्र, प्रशांतच्या चुलत्याचा रविवारी सकाळी दशक्रिया विधीचा कार्यक्रम सकाळी असल्याने त्याच्या कुटुंबातील सर्वजन थेऊरला सकाळी आले होते. व प्रशांत हा दवाखान्यात एकटाच होता. त्याला सोडल्यानंतर आणण्यासाठी त्याचा लहानभाऊ थेऊरमधून गेला होता. (Theur Sad News)
दरम्यान, प्रशांत सोनवणे हा सकाळी सात वाजण्याच्या सुमारास रुग्णालयाच्या बाहेर फिरण्यासाठी चालला होता. अचानक त्याचा तोल जाऊन रुग्णालयाच्या पायऱ्यांवर कोसळला. त्याची डॉक्टरांनी तातडीने तपासणी केली असता, डॉक्टरांनी त्याचा मृत्यू हृदयविकाराच्या तीव्र झटक्याने झाल्याचे घोषित केले.
प्रशांतचा अवघ्या दीड वर्षापूर्वी विवाह
प्रशांतचा अवघ्या दीड वर्षापूर्वी विवाह झाला होता. प्रशांत हा सुखी संसाराची स्वप्ने पाहत होता. त्याच्या संसाराला कोणाची नजर लागली कि, संसाराची घडी बसण्याच्या आताच त्याचा संसार उध्वस्त झाला. प्रशांतच्या पश्चात आई, वडील, भाऊ आणि बहिण असा परिवार आहे.
थेऊर येथील सोनवणे कुटुंबावर दुहेरी दु:खाचा डोंगर
प्रशांतच्या चुलत्याचे मागील आठ दिवसापूर्वी निधन झाले होते. आणि त्यांच्या दहाव्याच्या दिवशी सोनवणे कुटुंबाची जबाबदारी सांभाळणारा प्रशांतचा हृदयविकाराच्या तीव्र झटक्याने निधन झाले आहे. त्यांमुळे सोनवणे कुटुंबावर दु:खाचा दुहेरी डोंगर पसरला आहे.
थेऊर ग्रामपंचायतीवर शोककळा
प्रशांत सोनवणे हा थेऊर ग्रामपंचायतीतील अतिशय हुशार, कष्टकरी, होतकरू व मनमिळाऊ स्वभावाचा कामगार होता. तो थेऊर ग्रामपंचायतीमध्ये कचरा व्यवस्थापन कर्मचारी म्हणून काम करीत होता. त्याच्या अचानक निधनाने थेऊर ग्रामपंचायतीवर शोककळा पसरली आहे. (Theur Sad News)
अधिक बातम्या वाचण्यासाठी येथे क्लिक करा :
Loni Kalbhor News : लोणी काळभोर हद्दीतील खुनाच्या गुन्ह्यातील आरोपीला जामीन मंजूर…
