पुणे : तलाठी भरतीच्या परीक्षेचा निकाल नुकताच हाती आला असून, या परीक्षेत एका उमेदवाराला २०० पैकी तब्बल २१४ मार्क पडल्याने या परीक्षा व तपासणीतील भोंगळ कारभार चवाट्यावर आला आहे. त्यानंतर, स्पर्धा परीक्षा समन्वय समितीने याकडे शासनाचे लक्ष वेधले असून, याप्रकरणी ‘एसआयटी’मार्फत चौकशीची मागणी केली आहे.
वनरक्षक पदाच्या भरतीची प्रतिक्षा आता संपली असून, १,२५६ वनरक्षकांची भरती प्रक्रिया पूर्ण करण्याचा निर्णय शासनाने घेतला आहे. दरम्यान, काही दिवसांपूर्वी तलाठी भरतीच्या परीक्षेचा पेपर फुटल्याची माहिती माध्यमांमधून समोर आली होती. तर, या परीक्षांच्या भरतीसाठी मोठा घोळ असून, संबंधित परीक्षा घेणाऱ्या एजन्सीकडून हे टेंडर काढून घेण्याची मागणीही उमेदवारांकडून होत आहे.
आता तलाठी भरतीचा निकाल हाती आला आहे. एकाच व्यक्तीचे हे निकाल आहेत. परीक्षांमध्ये पण फक्त १५ एक दिवसांचा गॅप असेल. वनरक्षक परीक्षेममध्ये ५४ मार्क आणि तलाठी परीक्षेमध्ये २०० पैकी २१४ मार्क… महाराष्ट्र टॉपर आहे. यावरून पेपर कसे घेतले आणि मार्क कसे पडले हे लक्षात येते. ९९ टक्के जागा विकल्या आहेत. सर्व निवड झालेल्या मुलांची न्यायालयीन ‘एसआयटी’मार्फत चौकशी झाली पाहिजे, अशी मागणी स्पर्धा परीक्षा समन्वय समितीकडून होत आहे.
हे दोन निकाल पाहा एकाच व्यक्तीचे हे निकाल आहेत. परीक्षांमध्ये पण फक्त 15 एक दिवसांचा गॅप असेल. वनरक्षक मध्ये 54 मार्क आणि तलाठी मध्ये 200 पैकी 214 मार्क महाराष्ट्र टॉपर. यावरून समजून जावा पेपर कसे झाले आणि मार्क कसे पडले. 99% जागा विकल्या आहेत. सर्व निवड झालेल्या मुलांची… pic.twitter.com/o7MDlMVJuM
— स्पर्धा परीक्षा समन्वय समिती ,महाराष्ट्र राज्य (@Mpsc_Andolan) January 6, 2024
सध्याचा सर्वांत मोठा घोटाळा हा तलाठी भरतीमध्ये झाला आहे. प्रामाणिक मित्रांनो सरळसेवा परीक्षांचा नाद सोडून द्या, आपल्याला फक्त @mpsc_office च न्याय देणार. इथे ना कठोर कायदे होणार ना सर्व परीक्षा एमपीएससी कडे देणार, इथे सरळसेवा मध्ये फक्त घोटाळेच होणार, असे म्हणत स्पर्धा परीक्षा समन्वय समितीने तीव्र संताप व्यक्त केला आहे. या सर्व मुलांनी कोणत्या सेंटरवर पेपर दिला आहे, यांचे रॉ मार्क किती आहेत, हे सर्वांना समजले पाहिजे. सर्वांची सीसीटीव्ही पब्लिक केली पाहिजे, अशी मागणी होत आहे.
