पिंपरी (पुणे) : चोरट्यांनी घराच्या दरवाजाचे कुलूप तोडून ८७ ग्रॅम वजनाचे सोन्याचे दागिने व रोख रक्कम असा १९ लाख ४३ हजारांचा ऐवज चोरून नेला. ही घटना गुरुवारी (दि. ८) रात्री दिघी येथे घडली. याप्रकरणी गणेश प्रकाश झाडे (वय ४२, रा. दिघी) यांनी दिघी पोलीस ठाण्यात फिर्याद दिली आहे. त्यानुसार अज्ञात चोरट्यांविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, बेडरूममधील लाकडी कपाटाचे लॉकर व लोखंडी कपाट उघडून त्यातील ८७ ग्रॅम वजनाचे सोन्याचे दागिने व १७ लाख रुपये रोख रक्कम असा १९ लाख ४३ हजार रुपये किमतीचा मुद्देमाल चोरून नेला.
