राहुलकुमार अवचट
यवत : पुणे – सोलापूर महामार्गावरून सोलापूर च्या दिशेने जात असताना अचानक समोर आलेल्या दुचाकीला वाचविताना ट्रॅव्हल्स बस पलटी झाल्याची धक्कादायक घटना भांडगाव येथे हॉटेल झोपडी शेजारी सोमवारी (ता २४) रात्री ९ वाजण्याच्या सुमारास घडली आहे. या अपघातात 12 जण जखमी झाले आहेत. सुदैवाने या अपघातात कोणतीही जीवितहानी झालेली नाही
मिळालेल्या प्राथमिक माहितीनुसार, या अपघातात १२ प्रवासी जखमी झाल्याची माहिती मिळत आहे. यातील काहींना गंभीर जखमा तर काहींना किरकोळ जखमा झाल्या असून अपघातात महिला पुरुष व लहान मुलांचा देखील समावेश आहे.
या घटनेची माहिती मिळताच यवत ठाण्याचे पोलीस निरीक्षक हेमंत शेडगे हे घटनास्थळी तातडीने दाखल झाले. पोलिसांनी मुख्य मार्गावरील ट्रॅव्हल क्रेनच्या सहाय्याने बाजूला केले. अपघातामुळे झालेली वाहतूक कोंडी सुरळीत केली
या
दरम्यान, यावेळी यवत येथील श्री दत्त ट्रान्सपोर्ट चे मालक संदीप दोरगे यांनी परिसरातील सर्व ऍम्ब्युलन्स व क्रेन घटनास्थळी मागवत जखमीसाठी प्राथमिक उपचारासाठी सर्वतोपरी मदत केली
