पुणे : पुण्यात पुन्हा कोयता गँग सक्रिय झाली आहे. येरवड्यात मध्यरात्री टोळक्याने दहशत माजवत ३० ते ३५ वाहनांची तोडफोड केल्याची घटना घडली आहे. येरवड्यातील लक्ष्मी नगर भागात मध्यरात्री टोळके आले. त्यांच्याकडे कोयते होते. या कोयत्याने वाहनांची तोडफोड केली आहे. या घटनेमध्ये वाहनांचे मोठे नुकसान झाले आहे.
मिळालेल्या अधिक माहितीनुसार, पुण्यातील येरवडा परिसरातील लक्ष्मी नगर भागातील टोळक्याने वाहनांची तोडफोड करण्यास सुरुवात केली. विरोध करणाऱ्या नागरिकांना शिवीगाळ करून त्यांच्यावर कोयते उभारले. या घटनेमुळे परिसरातील नागरिकांमध्ये घबराट निर्माण झाली होती. टोळक्याने परिसरात दहशत करत ३० ते ३५ वाहनांची तोडफोड केली. या घटनेची माहिती मिळतात पोलिसांनी घटनास्थळी धाव घेतली. याप्रकरणी येरवडा पोलीस ठाण्यात गुन्हा दाखल करण्यात आला आहे.
