पिंपरी : चिंचवड परिसरातील एका इमारतीच्या पार्किंगमधील दुचाकींना मध्यरात्रीच्या सुमारास आग लागली. या आगीत २० दुचाकी जळून खाक झाल्या असून, सोसायटीतील नागरिकांचे मोठ्या प्रमाणात आर्थिक नुकसान झाले आहे. आग कशामुळे लागली, याचे नेमके कारण अद्याप समजू शकले नाही.
याबाबत मिळालेल्या माहितीनुसार, पिंपरी-चिंचवडमधील विठ्ठल नगर वसाहत बिल्डिंग क्रमांक ५ या ठिकाणी ही घटना घडली आहे. अद्याप आगीचे कारण समजू शकलेले नाही. पिंपरी- चिंचवड शहरातील विठ्ठल नगर या भागात बिल्डिंगच्या पार्किंगमध्ये पार्क केलेल्या २० दुचाकी जळून खाक झाल्या आहेत. ही घटना मध्यरात्री सव्वा एकच्या सुमारास घडली.
दरम्यान, घटनेची माहिती मिळताच अग्निशमन दलाचे वाहन घटनास्थळी पोहोचले. अवघ्या १५ ते २० मिनिटांत अग्निशमन दलाच्या जवानांनी आगीवर नियंत्रण मिळवले. मात्र, या घटनेत स्थानिक रहिवाशांच्या २० दुचाकी वाहने जळून खाक झाल्या. आग कशामुळे लागली, याचे कारण अद्याप समजू शकलेले नाही.
