सागर जगदाळे
भिगवण : भिगवण ग्रामपंचायतीच्या उपसरपंचपदी मुमताज शेख यांची शुक्रवारी (ता. ०७) बिनविरोध निवड करण्यात आली. उपसरपंच शीतल बाबासाहेब शिंदे यांनी आपल्या पदाचा राजीनामा दिल्याने सरपंच तानाजी वायसे यांच्या अध्यक्षतेखाली उपसरपंचपदाची निवडणूक घेण्यात आली.
या निवडणुकीत मुमताज शेख यांचा एकमेव अर्ज आल्याने निवडणूक निर्णय अधिकारी तानाजी वायसे यांनी मुमताज शेख यांची निवड बिनविरोध झाल्याची घोषणा केली. ग्रामसेवक सतीश बोरावके यांनी निवडणूकीचे कामकाज पाहिले.
यावेळी प्रमिला जाधव, अशोक शिंदे, पराग जाधव, संजय रायसोनी, संजय देहाडे, जावेद शेख, माऊली भरणे, अमित वाघ, तुषार शिरसागर, कपिल भाकरे, सत्यवान भोसले, जयदीप जाधव, गुराप्पा पवार, मच्छिंद्र खडके, आबा काळे, प्रतिमा देहाडे, दीपिका क्षीरसागर, स्वाती धवडे, निर्मला पांढरे, सईबाई खडके, ग्रामसेवक सतीश बोरावके व ग्रामस्थ मोठ्या संख्येने उपस्थित होते. उपसरपंच पदी निवड झाल्यानंतर मुमताज शेख यांचा उपस्थित सदस्य व मान्यवरांच्या हस्ते सत्कार करण्यात आला.
गावाच्या सर्वागिण विकासासाठी हर्षवर्धन पाटील यांच्या मार्गदर्शनाखाली येणाऱ्या भविष्यकाळात मला मिळालेल्या पदाचा विकासकामे करत असताना नागरिकांनी सहकार्य करण्याचे आवाहन नवनिर्वाचित उपसरपंच मुमताज शेख यांनी केले.
