दिनेश सोनवणे
दौंड: खानवटे(ता.दौंड) ग्रामपंचायतीच्या सरपंचपदी जया संजय खुटाळे यांची बिनविरोध निवड करण्यात आली आहे.
खानवटे ग्रामपंचायतीच्या कार्यालयात सरपंच पदाच्या निवडणुकी ची बैठक नुकतीच पार पडली. हि निवडणूक प्रक्रिया रावणगावचे मंडळ अधिकारी तथा निवडणूक निर्णय अधिकारी मंगेश नेवसे यांच्या अध्यक्षतेखाली पार पडली. या निवडणुक प्रक्रियेत सरपंच पदासाठी जया खुटाळे यांचा एकमेव अर्ज आल्याने निवडणूक निर्णय अधिकारी नेवसे यांनी सरपंचपदी जया खुटाळे यांची बिनविरोध निवड झाल्याची घोषणा केली. यावेळी आण्णासाहेब राजेभोसले, हनुमंत ढवळे ,विलास ढवळे, अंकुश माहुरकर व सर्व ग्रामपंचायत सदस्य उपस्थित होते.
दरम्यान, सरपंचपदी जया खुटाळे यांची बिनविरोध निवड झाल्याची घोषणा होताच, कार्यकर्त्यांनी गुलाल उधळून व पेढे वाटून मोठा जल्लोष केला. यावेळी नुतन सरपंच जया खुटाळे यांचा गावाच्या वतीने सत्कार करण्यात आला.
खानवटे गावातील गट तट बाजूला ठेऊन विकासाला प्रधान्य दिले जाणार आहे. शासकीय योजना सर्व सामान्य गावातील नागरिकांना कशा मिळतील. यासाठी प्रयत्न करणार आहे. असे निवनिर्वाचीत सरपंच जया खुटाळे यांनी सांगितले आहे.
