राहुलकुमार अवचट
यवत, (दौंड) : धनगर आरक्षणासाठी केंद्र व राज्य शासन सकारात्मक असून धनगर आरक्षण लागू होई पर्यंत राज्यातील धनगर समाजाला अनुसूचित जमातीच्या सवलती लागू करण्याच्या निर्णयाची अंमलबजावणी व्हावी, अशी मागणी आमदार राहुल कुल यांनी आज हिवाळी अधिवेशनात केली.
राज्यात आर्थिकदृष्ट्या मागास असलेल्या मराठा समाजातील बेरोजगार युवकांना रोजगार व स्वंयरोजगाराच्या संधी उपलब्ध करून देण्याकरिता स्थापन करण्यात आलेल्या आण्णासाहेब पाटील आर्थिक मागास विकास महामंडळास भरीव निधीची तरतूद करावी.
ओबीसी मंत्रालयाची माध्यमातून राज्यातील ओबीसी समाजाच्या तरुण मुलांना उद्योगाच्या संदर्भामध्ये प्रोत्साहित करण्यासाठी वेगवेगळ्या योजना राबवाव्यात अशीही मागणी आमदार राहुल कुल यांनी विधानसभेत केली.
