सुरेश घाडगे
परंडा : ढगपिंपरी (ता. परंडा) ग्रामपंचायतीच्या सरपंच गुंफा लहु मासाळ यांनी सरपंच व सदस्य पदाचा तडकाफडकी परंडा पंचायत समितीचे गटविकास अधिकारी यांच्याकडे सोमवारी (ता. २२) दिला आहे. मानसिक त्रास व कुटूंबातील आडचणी यामुळे राजीनामा देत असल्याचे राजीनामा पत्रात म्हटले आहे.
सरपंच गुंफा मासाळ यांची १३ फेब्रुवारी २०२१ रोजी सरपंचपदी निवड झाली होती. गत दीड वर्ष सरपंच पदाचा कारभार सांभाळला. त्यांनी राजीनामा पत्रात म्हटले आहे कि, गावात माझ्या कुटुंबातील व्यक्तींना सरपंच पदामुळे खूप मानसिक त्रास होत आहे. त्यामुळे माझ्या कुटुंबातील अडचणींमुळे ढगपिंपरी सरपंच पदाचा व ग्रामपंचायत सदस्यत्वाचा स्वखुशीने राजीनामा देत आहे. सदरील राजीनाम्यासाठी माझ्यावर कुणाचाही दबाव किंवा दडपण नसल्याचे पात्रात म्हटले आहे.
