पुणे : एनडीएच्या राष्ट्रपतीपदाच्या उमेदवार द्रौपदी मुर्मू गुरुवारी महाराष्ट्रात होत्या. यावेळी त्यांनी भाजप आणि एकनाथ शिंदे यांना पाठिंबा देणाऱ्या आमदार आणि खासदारांची भेट घेतली. मात्र मातोश्रीवर गेल्या नाहीत. दुसरीकडे शिवसेना प्रमुख उद्धव ठाकरे यांनी त्यांना शिवसेना पाठिंबा देणार असल्याचे जाहीर केले आहे. द्रौपदी मुर्मू यांचे ‘मातोश्री’कडे दुर्लक्ष करण्यामागेही भाजपची रणनीती असल्याचे मानले जात आहे.
राजकीय जाणकार सांगतात की उद्धव ठाकरे बॅकफूटवर असताना आणि पक्षात मोठी फूट पडलेली असताना भाजप त्यांना मुद्दामच भाव देऊ इच्छित नाही. असे सांगितले जाते की शिवसेनेच्या १५ खासदारांनी द्रौपदी मुर्मू यांना पाठिंबा जाहीर करावा, असे उद्धव ठाकरे यांना बैठकीत सांगितले होते. या दबावाखाली उद्धव ठाकरेंनी द्रौपदी मुर्मू यांना पाठिंबा जाहीर केला, त्यानंतर त्यांची पुन्हा भाजपशी जवळीक होण्याची ही नांदी ठरू शकते, अशी अपेक्षा होती. मात्र आता ही अटकळ चुकीची ठरताना दिसत आहे.
उद्धव यांची भेट न घेता द्रौपदी मुर्मू यांच्या परतण्यावर भाजप कडून सांगण्यात आले की , ‘त्यांचे भेटीचे वेळापत्रक खूपच व्यग्र होते. त्यांच्या सर्व सभा आधीच ठरलेल्या होत्या. अशा स्थितीत शेवटच्या क्षणी योजना बदलणे त्यांच्यासाठी कठीण होते. राज्यातील एकूण 48 खासदारांपैकी 23 एकट्या भाजपचे असून, ही संख्या सर्वाधिक आहे. दुसऱ्या क्रमांकावर शिवसेनेची संख्या १९ आहे.
उद्धव यांच्याशी मैत्री करण्याची भाजपला घाई नाही :
खासदारांच्या आणि पक्ष कार्यकर्त्यांच्या अंतर्गत दबावाखाली सेना प्रमुख उद्धव ठाकरेंनी द्रौपदी मुर्मूला पाठिंबा दिल्याचे भाजपच्या रणनीतीकारांचे मत आहे. त्यांचा पाठिंबा म्हणजे भाजपशी संबंध सुधारविण्यासाठी टाकलेले पाऊल नाही. अशा स्थितीत भाजपला आपल्या बाजूने आधीच शिवसेनेशी बोलून स्वत:ला कमकुवत करायचे नाही. याशिवाय ठाकरे कुटुंबाशी असलेले संबंध सुधारवण्याचीही त्यांना घाई नाही. 2019 मध्ये आपली बाजू सोडून महाविकास आघाडी बनवणे ही चूक होती, याची शिवसेनेला जाणीव करून द्यायची आहे. त्यामुळेच आधी एकनाथ शिंदे यांना फोडून भाजपने आपला ताव दाखवला आणि आता मुर्मू यांना उद्धव ठाकरेंच्या घरी न पाठवून भाव न देणार नाही याचेही संकेत दिले आहेत.
ठाकरेंचा वारसा आणि राजकारण हिसकावण्याची तयारी :
राजकीय जाणकार सांगतात की शिवसेना प्रमुख उद्धव ठाकरेंशी संवाद साधण्याऐवजी बंडखोर नेते मुख्यमंत्री एकनाथ शिंदे यांच्या माध्यमातून त्यांच्यावर उलट हल्लाबोल करण्याची भाजपची सध्याची रणनीती असल्याचे दिसते. मुख्यमंत्री एकनाथ शिंदे यांनी त्यांच्या गटाला खरी शिवसेना म्हणून सतत सांगावे आणि दोघांमधील संघर्षात शिवसेना पक्ष कमकुवत व्हावा अशी भाजपची इच्छा आहे. त्यामुळे एकीकडे भाजप बळकट होईल, तर दुसरीकडे शिवसेना आपोआप कमकुवत होईल.
त्यामुळेच राज्यात स्थापन झालेले सरकार शिवसेनेचे असून आम्ही खर्या शिवसैनिकाला मुख्यमंत्री केले, असे भाजपचे म्हणणे सुरू झाले आहे. अशाप्रकारे राजकारण आणि उद्धव ठाकरे यांचा वारसा दोन्ही हिसकावून घेण्याची रणनीती भाजपने तयार केली असल्याचे राजकीय जाणकार सांगत आहेत.
