मुंबई : Politics – कोणीही एखादा बुद्धीपूर्ण तर्क मांडला तर माझ्यासारख्या माणसाने त्यावर उत्तर द्यायला पाहिजे. (Politics) जर तर्कहीन किंवा बिना बुद्धीचं बोललं जात असेल तर त्यावर आपण काय बोलणार, अशी प्रतिक्रिया उपमुख्यमंत्री देवेंद्र फडणवीस यांनी काँग्रेसचे नेते आणि आमदार विजय वडेट्टीवार यांची कन्या तथा प्रदेश युवक काँग्रेसच्या सचिव शिवानी वडेट्टीवार यांनी सावरकरांवर केलेल्या वक्तव्यावर दिली आहे. (Politics)

शिवानी वडेट्टीवार म्हणाल्या…

शिवानी वडेट्टीवार यांनी चंद्रपूरमध्ये एका कार्यक्रमात बोलताना हे विधान केलं आहे. शिवानी वडेट्टीवार म्हणाल्या होत्या की, ‘हे लोक फुले, शाहू, आंबेडकरांच्या विचारांवर कधीच मोर्चा काढणार नाही. ते सावरकर मोर्चा काढतात. मला आणि माझ्यासह इतर भगिनी महिलांना भीती वाटत असेल. सावरकर म्हणायचे बलात्कार हे राजकीय शस्त्र आहे. ते तुम्ही तुमच्या विरोधकांच्या विरोधात वापरलं पाहिजे. मग माझ्यासारख्या महिला-भगिनींना सुरक्षित कसं वाटेल? अशा लोकांच्या प्रचारासाठी हे लोक मोर्चा काढतात.’ हे विधान सध्या चर्चेचा विषय ठरलं आहे.

यावर बोलताना फडणवीस म्हणाले की, ‘ काही लोकांना इतिहास माहिती नाही आणि वर्तमानही माहिती नाही. हे लोक विचार न करता काहिही बोलतात. अशा लोकांच्या वक्तव्यावर काय प्रतिक्रिया द्यायची. कोणीही एखादा बुद्धीपूर्ण तर्क मांडला तर माझ्यासारख्या माणसाने त्यावर उत्तर द्यायला पाहिजे. जर तर्कहीन किंवा बिना बुद्धीचं बोललं जात असेल तर त्यावर आपण काय बोलणार.’