(Politics News) पुणे : देशातील नागरीकांना खोटी आश्वासने देऊन सत्तेवर आलेल्या मोदी सरकारने देशात आणि महाराष्ट्रात फसवा विकास केला आहे. हा फसवा विकास म्हणजेच मोदी विकास म्हणून मोदी विकासाचा वाढदिवस 1 एप्रिल म्हणजेच “एप्रिल फुल”. असा आरोप राष्ट्रावादीने केला आहे. पुणे शहर राष्ट्रवादी युवक कॉंग्रेसच्या वतीने आज डेक्कन येथील गुडलक चौकात प्रतिकात्मक आंदोलन करुन वाढदिवसाचा केक कापण्यात आला.
दरवर्षी देशात दोन कोटी युवकांना रोजगार उपलब्ध करुन देणार, वेदांत फॉक्सकॉन पेक्षा मोठा प्रकल्प महाराष्ट्राला देणार, पेट्रोल – डिझेल दरवाढ कमी करणार, महागाई कमी करणार, प्रत्येक नागरिकाला पंधरा लाख रुपये देणार अशा अनेक खोट्या घोषणा मोदी सरकारे केल्या आहेत.परंतु यातील एकही घोषणा त्यांनी पुर्ण केली नाही. असा आरोप करत या घोषणांचा निषेध करण्यात आला.
यावेळी शहराध्यक्ष प्रशांत जगताप, युवक प्रदेश कार्याध्यक्ष राकेश कामठे, मनोज पाचपुते, युवक शहराध्यक्ष किशोर कांबळे, कार्याध्यक्ष अजिंक्य पालकर, प्रदेश उपाध्यक्ष अभिषेक बोके, मयुर गायकवाड, महेश हांडे, अब्दुल हाफीज आदी पदाधिकारी उपस्थित होते.
