Poetry – दौरे अन जाहिर सभा… (युनूस तांबोळी-शिरूर)
आवाज कुणाचा
हवा भरेल मनात
होतील घोषणा
नुसतीच आश्वासनांची खैरात…!
सुटत नाही प्रश्न बेरोजगारीचा
घोटाळेबाज अन ईडी कडे स्वारी
सत्ता मिळविण्यासाठी यांची
हमरीतुमरी,चिखलफेक,राजकारण
अन निवडणुकीची तयारी…!
सुरू झाले पहा
दौरे मतदार संघात
श्रीफळ फुटेल, शाली पांघरतील
जो तो आपल्याच ढंगात
आपलाच पैसा, कामाची यादी
अन कार्यकर्ते लढतात…!
दादा, भाई, साहेब अन आण्णा
म्हणणार मी आहे उभा
होऊ दे
धुम धडाक्यात जाहिर सभा… जाहिर सभा…!
