New Delhi News : नवी दिल्ली : एक वर्ष झालं तरी राज्यमंत्रिमंडळाचा विस्तार नाही. मंत्रिमंडळाचा विस्तार केंद्राने तसेच भाजपने रोखला आहे. याचाच स्पष्ट अर्थ आहे की, राज्य सरकारमध्ये काहीही आलबेल नाही. अन्यथा हा विस्तार रोखला गेला नसता, असा मोठा दावा ठाकरे गटाचे खासदार संजय राऊत यांनी केला आहे. राऊत म्हणाले की, एकनाथ शिंदे यांच्या हातात काही नाही. ते कोणताही निर्णय घेऊ शकत नाहीत. त्यांना एकच आदेश आहे. भ्रष्ट मंत्र्यांना आधी बाहेर काढा आणि मग विस्तार करा… शिंदे हा खुळखुळा झाला आहे.
फेव्हिकॉल आहे की मधाचे चार थेंब आहेत हे पाहावे लागेल
शिवसेनेच्या शिंदे गटाने प्रसिद्ध केलेल्या एका जाहिरातीवरून राज्याच्या राजकारणात वादंग उठले होते. फडणवीस समर्थकांनी देखील शिंदे गटावर नाराजी व्यक्त केली होती. या वादावर पडदा टाकताना शिंदे यांनी, आमची जोडी म्हणजे फेव्हिकॉलचा जोड आहे, असं म्हणत सारवासारव केली होती. या पार्श्वभूमीवर बोलताना संजय राऊत यांनी कडाडून टीका केली आहे. राऊत म्हणाले की, फेव्हिकॉल आहे की मधाचे चार थेंब आहेत हे पाहावे लागेल. (New Delhi News) फडणवीस यांच्या प्रवक्त्याने बेडकाची उपमा दिली. मग हा फेव्हिकॉलचा जोड म्हणायचा? काल तर सीएम आणि डीसीएम एकमेकांकडे पाहायला तयार नव्हते. कसला फेव्हिकॉल का जोड आहे? जोडबिड काही नाही. पुढच्या दोन महिन्यांत सर्वोच्च न्यायालयाच्या निर्णयाची अंमलबजावणी करावी लागेल. त्यानंतर सरकार जाईल, असं संजय राऊत म्हणाले.
संजय राऊत यांना येणारे धमकीचे फोन हा राऊत यांचाच बनाव असल्याचं भाजपकडून म्हटलं गेलं. त्यावरही त्यांनी प्रतिक्रिया व्यक्त केली. बनाव रचून काय करायचं? असे बनाव मूर्ख लोक रचतात. वर्षभरात अशा अनेक घटना घडल्या आहेत. मधल्या काळात पुण्यात एक व्यक्ती पकडली. ती रावसाहेब दानवे यांच्या गावातील होती. त्याचा फोटो दानवेंसोबत होता. म्हणून दानवेंनी बनाव रचला का? मयूर शिंदेचा माझ्याबरोबर फोटो असेल. (New Delhi News) पण त्याने रवींद्र चव्हाण यांच्या उपस्थितीत भाजपमध्ये प्रवेश केला होता. आता ते मिंधे गटात आहेत. जर तो बनाव असता तर फोन नंबरसह पोलिसांना कळवलं नसतं? मला धमक्या येत आहेत. अलिकडे फोन नंबरवरून माणसं ट्रेस होतात. लोकेशन ट्रेस होते. हे न समजण्याइतके आम्ही दूधखुळे नाही आहोत? असं राऊत म्हणाले.
राऊत म्हणाले की, हा बनाव युतीचाच आहे. जाहिरात प्रकरणावरून लक्ष वळवण्यासाठी हा बनाव रचला आहे. ठाणे शहरातील गुन्हेगार प्रवृत्तीचे लोक पोलिसांच्या मदतीने एक तर मिंधे गटात गेले किंवा भाजपमध्ये गेले आहेत. त्यामुळे त्यांचे गुंड माझ्यासाठी कशाला काम करतील? हा माझा साधा प्रश्न त्यांना आहे. (New Delhi News) कालही एका माणसाला पकडलंय. तो वेगळ्याच कोणत्या तरी गँगचा माणूस आहे. ७२ तास जे जाहिरात कांड झालं, त्यावरून लक्ष विचलीत करण्यासाठी काल हा बनाव रचण्यात आला अशी माझी माहिती आहे. मी कधीही पोलिसांकडे सुरक्षा मागितली नाही.
या सरकारचा भरवसा नाही. खोटे गुन्हे दाखल करणाऱ्या सरकारवर विश्वास कसा ठेवायचा? माझ्याकडे आलेले नंबर मी नेहमीप्रमाणे पोलिसांना पाठवले. त्यांनी आरोपी खरे की खोटे पकडले हे माहीत नाही. (New Delhi News) बनावट पकडले असेल आणि कथानक तयार केलं असेल. काही गुन्हेगारांवर अनेक गुन्हे असतात. ते दबावात असतात ते गुन्हा कबुल करतात, असंही त्यांनी सांगितलं.
अधिक बातम्या वाचण्यासाठी येथे क्लिक करा :
New Delhi News : दिलासादायक ! खाद्यतेल होणार आणखी स्वस्त; सरकारने घेतला ‘हा’ मोठा निर्णय
New Delhi News : नवीन संसदभवनाच्या उद्घाटन प्रसंगी सर्वधर्मीय धर्मगुरूंकडून मंत्रोच्चारासह आशीर्वाद
