उरुळी कांचन : उरुळी कांचन (ता. हवेली) येथील गणेश अभिवार कांबळे यांची कोरेगाव भिमा विजय रणस्तंभ सेवा समितीच्या हवेली तालुका कार्याध्यक्षपदी नुकतीच निवड करण्यात आली आहे.
पुणे येथे रविवारी (ता.२) झालेल्या एका कार्यक्रमात कोरेगाव भिमा विजय रणस्तंभ सेवा समितीचे संस्थापक अध्यक्ष सर्जेराव वाघमारे यांनी गणेश कांबळे यांना निवडीचे पत्र दिले. यावेळी समितीचे विशाल सोनवणे, प्रवीण म्हस्के आदी मान्यवर उपस्थित होते.
फुले, शाहू, आंबेडकर व छत्रपती शिवाजी महारांजाच्या विचारांशी प्रामाणिक राहून समाजिक शैक्षणिक, आर्थिक, सांस्कृतिक क्षेत्रात उल्लेखनीय कामगिरी करून वंचित उपेक्षितांना उन्मतीच्या मार्गावर नेण्याचा संकल्प कराल. तसेच अन्याय अत्याचार विरोधात प्रभाविकपणे काम कराल. सर्वधर्मीय समाजातील लोकांमध्ये विश्वास निर्माण करून विजय रणस्तंभ सेवा समितीचे संघटन अधिक बळकट व आदर्शमय कराल. ही अपेक्षा. असे निवडीच्या पत्रात म्हटले आहे.
कोरेगाव भिमा विजय रणस्तंभ सेवा समितीच्या माध्यमातून तळागाळातील व वंचित नागरिकांना न्याय मिळवून देण्यासाठी प्रयत्न करणार आहे. आणि डॉ. बाबासाहेब आंबेडकर यांच्या विचारांना अनुसरून नेहमी गोरगरिबांच्या न्याय, सामानात आणि हक्कासाठी लढणार आहे. असे नवनिर्वाचित हवेली तालुका कार्याध्यक्ष गणेश कांबळे यांनी सांगितले आहे.
