अजित जगताप
सातारा : खटाव तालुक्यातील मुस्लिम सुन्नतुल जमात ट्रस्टचे आदर्श काम सुरु आहे. मानवता भावनेतून सहकार्य करणाऱ्या या ट्रस्टचे कार्य महान व अनुकरणीय आहे. अशा शब्दात छत्रपती खासदार उदयनराजे भोसले यांनी ट्रस्टच्या कामाचे कौतुक केले.
खटाव भागातील मुस्लिम समाजातील शिष्टमंडळाने विविध मुद्दे घेऊन जलमंदिर या छत्रपती खासदार उदयनराजे महाराज यांच्या निवासस्थानी भेट घेतली. त्यावेळी त्यांनी ट्रस्टच्या कार्याची माहिती घेतली. नियोजन आणि कामावर ते प्रभावित झाले. ट्रस्टतर्फे सर्वप्रकारच्या शिस्तीसाठी केलेले ठराव आणि उपाययोजना, ट्रस्टच्या पारदर्शक कारभाराबाबतच्या माहितीचे निवेदनही यावेळी छत्रपती खासदार उदयनराजे महाराज यांना देण्यात आले. ट्रस्टच्या मालमत्ता आणि त्याबाबतच्या प्रशासकीय तसेच राजकीय अडचणींची चर्चाही यावेळी करण्यात आली.
याप्रसंगी वडूज नगरीचे माजी नगराध्यक्ष डॉ. महेश गुरव, रसूल मुल्ला, दिलावर शिकलगार, ताजुद्दीन शिकलगार, इम्रान बागवान, पंकज चव्हाण, फिरोज सय्यद, आशफाक मुल्ला, शकूर मुल्ला आदी ट्रस्टचे सदस्य आणि मान्यवर सहकारी उपस्थित होते.
