सांगली : आज राज्यात ग्रामपंचायत निवडणुकीचे निकाल जाहीर होत आहेत. प्रत्येक ठिकाणी विजयासाठी चुरस पाहण्यास मिळत आहे. यातील काही तारांकित ग्रामपंचायत निवडणुकांकडे राज्याचे लक्ष लागले आहे. यात पडळकरवाडीतील निवडणुकीकडे देखील तारांकित निवडणूक म्हणून पाहण्यात आले आहे.
सांगलीतील पडळकरवाडीच्या निवडणुकीत भाजपाचे आमदार गोपीचंद पडळकर यांच्या मातोश्री हिराबाई पडळकर या निवडून आल्या असून त्या आता पडळकरवाडी ग्रामपंचायतीच्या सरपंच झाल्या आहेत. हिराबाई पडळकर यांचा मुलगा आमदार गोपीचंद पडळकर हे विधानपरिषदेचे आमदार आहेत.
हिराबाई पडळकर या सरपंचपदी निवडून आल्यानंतर आमदार गोपीचंद पडळकर यांनी आईला फोन करून निवडून आल्याबद्दल अभिनंदन केले. या निकालाने खूप आनंद झाला असल्याची प्रतिक्रिया आमदार गोपीचंद पडळकर यांनी माध्यमांना दिली.
